Әйелдердің ең азы сумен жабдықтау, коммуналдық шаруашылық (5 325), қаржы және сақтандыру (6 122), ақпарат және байланыс (7 121), құрылыс (9 727), тау-кен өнеркәсібі және карьерлерді қазу (8 655 адам) сияқты салаларда жұмыс істейді. Зейнет жасы жақындағанда ауыр жұмыспен айналысып жүргендер де жетерлік.
Мысалы олардың 10 мыңға жуығы құрылыста істеп жүр. 2022 жылғы 1 шілдедегі жағдай бойынша БЖЗҚ-да 50-60 жас аралығындағы әйелдердің атына 1 миллион 158 мың жеке зейнетақы шоты ашылды. Оның жалпы сомасы 1,9 трлн теңгені құрайды.
Деректерге сәйкес зейнеткерлік жасқа таяп қалған 606 мың әйелдің жинақ ақшасы 1 миллион теңгеге жетпеген. 305 мың адамға 1-3 миллион теңгеден, 169 мың адамға 3-5 миллион теңгеден, 71 мың әйелде 5-8 миллион теңге шегінде болған. Тек 7 мың әйелдің қолында 8 миллион теңгеден астам ақша бар
