161 дана жалған 2 000 теңгелік банкнот анықталды. Одан кейінгі орындарда номиналы 10 000 теңгелік – 27 дана, 5 000 теңгелік – 24 дана, қалған 16% – басқа номиналдарға тиесілі. Қолдан жасалған ақшалардың көбі Алматыда тәркіленді – 126 дана (50%), Шығыс Қазақстан облысында – 59, Астанада – 22 дана.
«2022 жылдың 10 айында 739 650 теңге сомасына 250 жалған ақша банкноты анықталды. Бұл — 2021 жылдың сәйкес кезеңімен салыстырғанда 55%-ға аз», — деді ҚР Ұлттық банктің баспасөз қызметі.
Қазақстанда жалған банкноттар көп жағдайда компьютерлік техника мен кәдімгі офсеттік қағазда түрлі түсті принтердің көмегімен жасалады. Ақшаны қолдан жасаушылар көрнекі қорғаныш элементтерін түпнұсқаға мейілінше ұқсатуға тырысады.
ҚР Ұлттық банкі түпнұсқаны жалған ақшадан қалай ажырату керектігін айтты.
Барлық банкнотта көру қабілеті нашар адамдарға арналған, қолмен ұстағанда жақсы білінетін шығыңқы, жоғары бедерлі элемент түрінде белгілер бар. Банкноттың түсі анық әрі айқын болуы тиіс, су таңбасы мен номиналдың цифрлық бейнесін көру үшін ақшаны жарыққа ұстап қарау керек.
Банкноттың бетіндегі үзік-үзік болып шығатын жазбалары бар «жіпке» назар аударыңыз, оны жарыққа тосып қарағанда біртұтас «жіп» болып анық көрінеді.
Сондай-ақ түпнұсқа өзіне тән дыбыспен ерекше шытырлайды, екіншіден – арнайы рельефі бар.
1000, 2000, 5000, 10000 және 20000 теңгелік купюраларда банкноттың көлбеу бұрышын өзгерткен кезде бейнелердің түсі жасылдан алтын түстес өңге өзгереді.
