Ведомство мәліметінше, тестіленушілердің тәртіптілігін қамтамасыз ету мақсатында ҰБТ-ға ресми үлгідегі киіммен келу ұсынылады. Алайда талапкерлерден міндетті түрде мектеп формасын кию талап етілмейді.
«Киім қатаң, ұқыпты әрі жалпыға ортақ әдеп нормаларына сай болуы тиіс. Бұл талап тестілеу кезінде тәртіп пен бірізділікті сақтау үшін енгізіліп отыр», – делінген Ұлттық тестілеу орталығының хабарламасында.
Айта кетейік, ҰБТ өткізу барысында қатысушыларға қойылатын талаптар тестілеу процесінің ашықтығы мен әділдігін қамтамасыз етуге бағытталған.
