Бойжеткеннің жеңісі туралы «Қазақстан аруы» байқауының ресми парақшасында хабарланды.
Мадина 2000 жылы Талдықорғанда дүниеге келген. Отбасында 3 қыздың ортаншысы.
2021 жылы І.Жансүгіров атындағы Жетісу университетінде «Мемлекеттік және жергілікті басқару» мамандығы бойынша оқуды тәмамдаған. Қазіргі уақытта «Менеджмент» мамандығы бойынша 2 курс магистранты.
Бұған дейін «ЖМУ аруы – 2018» байқауының бас жүлде иегері. «Қазақстанның алтын жастары» сыйлығының лауреаты, Алматы облысы әкімінің «Көшбасшы» жастар сыйлығының иегері.
Бүгінде ол облыстық және қалалық деңгейдегі концерт жүргізушісі.
Айта кету керек, ендігі кезекте Тұрдаш Мадина «Қазақстан аруы – 2022» ұлттық байқауында өз қаласының намысын қорғайды.
