Түркістан облысында 1 ай мерзімге жоспарланған “Қауіпсіз жол” жедел-профилактикалық іс-шарасы жүргізіліп жатыр. Аймақта ең көп орын алған құқық бұзушылық — қауіпсіздік белдігін тақпау. Бұл бойынша 1186 дерек тіркелді. Сондай-ақ, жаяу жүргіншілердің белгіленбеген жерден кесіп өткені бойынша 1100 дерек анықталды.
Көлік басқару кезінде ұялы телефон қолданған 527 жүргізушіге хаттама толтырылды. Техникалық байқаудан өтпеген 362 көлік иесі мен маневр жасау ережесін бұзған 220 жүргізуші жауапқа тартылды. Ал жылдамдықты шамадан тыс асырған 184 адамға әкімшілік айыппұл салынды.
Заңсыз қайта жабдықтау бойынша 62 дерек анықталып, ішімдік ішіп көлік тізгіндеудің 32 дерегі тіркелді. Сонымен қатар, қоғамдық көлік жүргізушілерімен 5 тәулікте 143 құқық бұзушылық анықталды. Мысалы, Қызылорда – Шымкент бағыты бойында VAN HOOL 917 көлігі тоқтатылды. Тексеру кезінде көліктің тиiстi рұқсатсыз қайта жабдықталғаны анықталды. Оған қатысты ҚР ӘҚБтК-нің 590-бабы 7-бөлігімен хаттама толтырылды. Көлік айыптұраққа қойылды.
