Жәбірленушілердің бірінің айтуынша, студенттік жатақхананың коменданты алдымен науқас ұлын желеу етіп көмек сұраған. Соңынан оларды алдап, үлкен сомаға тауарлық несие алуға мәжбүрлеген.
Полиция күдіктінің ұсталғаны туралы ақпаратты растады. Жетісу облыстық ПД-да Қылмыстық кодекстің 190-бабы (алаяқтық) бойынша іс қозғалғанын хабарлады.
«11 қазанда күдікті ұсталып, қалалық полицияға айғақ беру үшін жеткізілді. Тергеу барысында зардап шеккен 10 студент пен 2 жатақхана қызметкерінің өтініштері бар. Жәбірленушілерге келтірілген жалпы шығын 14,7 млн теңгеден асады. Олардың айғақтарына сәйкес, комендант студенттерге бірнеше екінші деңгейлі банктерде алаяқтық жолмен тауарлық кредиттер, ал өз қызметкерлеріне — интернет-қосымшаларды пайдалана отырып, ақшалай кредиттер ресімдеген», — деп хабарлады облыстық полицияның баспасөз қызметі.
Күдікті айғақтар беруден бас тартты және денсаулығының күрт нашарлауына байланысты қазір ауруханада жатыр. Істі тергеу облыстық полиция департаментінің бақылауына алынды.
