Оның аясында IT-мектептер ашылады. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин Жетісу облысына жұмыс сапары барысында хабарлады, дейді өңір әкімінің баспасөз қызметі. Министр Мемлекет басшысының 2025 жылға қарай кемінде 100 мың білікті IT-мамандарды даярлау міндетін қойғанын атап өтті.
Осы себепті жаңадан құрылатын технопарк тиісті мамандарды даярлау үшін заманауи жабдықтармен жарақтандырылатын болады. Жалпы, IT-нарығының көлемі және сала мамандарына сұраныс та артып келеді.
Осыған байланысты жақын арада мамандандырылған мектептер ашу жұмыстары да жанданады. Осылайша, кадр мәселесі кезең-кезеңмен шешілетін болады.
Сондай-ақ, министр Талдықорған полиция департаментінің жедел басқару орталығының жұмысына оң баға беріп, «Қауіпсіз қала» жүйесінің үздіксіз қызметін қамтамасыз ету үшін бейнебақылаудың маңыздылығын атап өтті.
