Такси жүргізушілері «мүмкіндігінше кім қанша бере алады» деп ақша жинап, баспанаға мұқтаж адамдарға ылғи көмек қолын созып жүреді.
«Менде бар болғаны екі миллион болды, бұл үй салу үшін жеткіліксіз. Сосын такси жүргізушілері жиналып, бірауыздан көмек беруге шешім қабылдадық. Мұндай кезде көршілер де жұдырықтай жұмыла кетеді», — дейді құрылыстың басы-қасында жүрген Бахадыр Атажанов.
Үй құрылысында Сарыағаш ауданының тұрғындары шет қалмайды. Құрылыс пен жөндеу жұмыстарына керек құрылыс материалдарымен, құрал-саймандармен көмектеседі.
Такси жүргізушілері осы уақытқа дейін тұрмысы нашар отбасыларға бірнеше үйдің кілтін табыстаған. Ал осы жолы екі ай ішінде жалғызбасты ана үшін үш бөлмелі үй салып берді.
