Ойын 7 тамыз күні Алматының Орталық стадионында өтеді. Оған Матчқа арнайы түрде нидерланд маманы Арно Пайперс, мадридтік «Реал» мен миландық «Интердің» экс-ойыншысы Эстебан Камбьяссо келеді.
Қазір «Super Bol!» ойынының финалдық кастингінен өткен ойыншылар Талғардағы ұлттық құрама базасында дайындалып жатыр. Апта сайын олар жолдастық кездесулер өткізіп жатыр. Бірақ жас футболшыларға нағыз емтихан – кумирлеріне қарсы ойнау болмақ.
Қазақстан құрамасы атынан алаңға Самат Смақов, Давид Лория, Нұрбол Жұмасқалиев, Андрей Карпович, ағайынды Азовскийлер, Фархадбек Ирисметов, Дмитрий Бяков, Александр Кучма, Максим Жалмагамбетов, Қайрат Әшірбеков, Данияр Мұқанов, Сергей Бойченко, Юрий Новиков, Игорь Солошенко, Руслан Балтиев, Эдуард Сергиенко және 2006-2008 жылдары ұлттық құрама сапында болған басқа да ойыншылар шығады.
Ардагерлердің бас бапкері бұрынғыша Арно Пайперс болмақ.
Айта кетейік, «Super Bol!» жас футболшылар жобасы ҚР Президенті жанындағы Dara дарындыларды қолдау қоры және Freedom Broker инвестициялық компаниясының қаржылай қолдауымен жүзеге асты.
Матч Qazsport арнасында тікелей эфирде көрсетіледі. Билеттерден түскен қаржы қайырылымдылыққа жұмсалады.
