Апат салдарынан екі жүргізуші және 6 жолаушы түрлі дене жарақаттарымен медициналық мекемелерге жеткізілді, Volkswagen Golf маркалы автокөлігінің 64 жастағы жолаушысы Қызылжар аудандық орталық ауруханасында қаза тапты.
«Жол-көлік оқиғасы фактісі ҚР Ата Заңының 345-бабының 3-бөлігі бойынша сотқа дейінгі тергеп-тексерулердің бірыңғай тізіліміне енгізіліп, қажетті сараптамалар тағайындалды. Республикалық жолдарда анықтау жүргізілуде. Жолдың жүретін бөлігінің қиылыстарынан өтер кезде барынша сақ болу қажет. Арақашықтықты сақтап, жылдамдықты асырмаған жөн. Сондай-ақ, жүргізушілер жол қозғалысының басқа да қатысушыларының жүріс-тұрысына назар аударуы тиіс», – дейді Солтүстік Қазақстан облысы полиция департаментінің жергілікті полиция қызметі басқармасының бастығы Айдын Байматов.
Айта кету керек, алты айдың ішінде облыс аумағында 127 жол-көлік оқиғасы тіркелген. Салдарынан 191 адам түрлі жарақаттар алып, 19 адам көз жұмды.
