«2022 жылдың 9 шілдесінде Шымкентте өзінің қызметтік кабинетінде ҚАЖД бастығының міндетін уақытша атқарушы ұсталды. Сотқа дейінгі тергеу амалдары парақорлық фактісі бойынша жүріп жатыр. Ұсталған азамат уақытша ұстау изоляторына қамалды», — делінген ІІМ таратқан хабарламасында.
Анықталғандай, оған қатысты бұлтартпау шарасын санкциялау қаралып жатыр.
«Сыбайлас жемқорлық мәселесі ішкі істер министрлігінің күнделікті бақылауында. Осыған ұқсас фактілер туралы ҚР ІІМ өзіндік қауіпсіздік басқармасына хабарласуға болады», — дейді ведомстводан.
Ал, айыпталушының адвокаттары онымен жолықтырмай жатқанын, жалпы процессуалдық бұзушылықтар орын алып отырғанын мәлімдеді.
