Сенат депутаттары бірқатар жекелеген баптарға түзетулер енгізу қажеттігін айтып, құжатты қайта қарау үшін Мәжіліске жіберді. Атап айтқанда, сенаторлар қосымша құн салығы, акциз, прогрессивті салық жүйесі және инвесторларға арналған салықтық жеңілдіктерге қатысты өзгерістерді ұсынды.
Сонымен қатар, Сенат мемлекеттік бағалы қағаздарға қатысты жеңілдіктерді сақтап қалу қажет деп шешті. Бұдан бөлек, депутаттар ел ішінде қымбат мүлік пен бағалы бұйымдарды сататын тұлғаларға салық салу ұсынысын енгізді.
Салық кодексі Мәжіліске қайтарылып, енді төменгі палата Сенаттың түзетулерін қарастыратын болады.
