Қаржы мониторингі агенттігінің таратқан ақпаратында, кәсіпкер 4 тонна дизель отынын тиісті құжаттарсыз сатып жатқан жерінен ұсталғаны жазылған. Ал тергеу барысында оның бұған дейін құны 93 млн теңге болатын тағы 402 тонна жанармай сатқаны анықталды. Алайда ол жанар-жағармайды заңды жолмен алғанын растай алмаған.
«Жеке кәсіпкер мұнай өнімдерін шығу заңдылығын растайтын құжатсыз көтерме саудада өткізгені үшін 2 жыл 8 ай мерзімге бас бостандығынан айырылды», – делінген ведомство хабарламасында.
Агенттік азаматтардан мұнай өнімдерін заңсыз тасымалдау, сатып алу, сату және сақтау фактілері анықталған жағдайда, агенттіктің сенім телефонына және аумақтық департаменттеріне хабарлауды сұрады.
