Сауда және интеграция министрлігінде Қазақстанның басқа елдермен шекарасында сауда-логистикалық кешендер салу жоспарлары туралы айтылды.
Мәселен, Жамбыл облысында Қырғызстанмен шекарада индустриялық сауда-логистикалық кешен құрылатын болады. Түркістан облысында Өзбекстанмен шекарада — «Орталық Азия» халықаралық өнеркәсіптік кооперация орталығы. Батыс Қазақстан облысында Ресеймен шекарада «Еуразия» трансшекаралық сауда орталығын салу жоспарланып жатыр. Маңғыстау облысында «Каспий торабы» контейнерлік хабы пайда болады, ал Қытаймен шекарада «Қорғас торабы» шекаралық кешені салынады.
Сауда-логистикалық хабтардың қызметі қоймалау, сақтау, қайта өңдеу, жаңа тауарлар өндіру және оларды халықаралық тауар өткізгіш жүйелерге интеграциялай отырып, одан әрі өткізу саласындағы өндірістік кооперацияны қамтамасыз етуге бағытталады.
Сондай-ақ мұнда қысқа мерзімді сақтау, логистика, сауда орындарын жалға алу, сату алдындағы дайындық, тауарларды көтерме партиялар, тиеу-түсіру және трансконтиненталдық жүк тасымалдарын дамыту бойынша шоғырландыру және қайта бөлу қызметтері ұсынылады.
Трансшекаралық хабтар Қазақстан өңірлері кәсіпорындарының экспорттық әлеуетін қамтиды, деп болжанды.
Шекара маңындағы аймақтарда инфрақұрылымдық кешендерді дамыту жобалардың өнеркәсіптік кооперациясын іске асыру үшін жағдай жасайды, бұл жеткізу тізбегіндегі қатысушылар санын қысқартуға, түпкілікті тұтынушы үшін өнімнің құнын төмендетуге және жеткізу жылдамдығын арттыруға мүмкіндік береді, деп атап өтті Сауда министрлігінде.
