Ұлттық қауіпсіздік комитеті Алматыда Қылмыстық-атқару жүйесі департаментінің үш қызметкері ұсталғанын мәлімдеді, деп хабарлайды alataunews.kz.
ҰҚК-нің Алматы қалалық департаменті Қылмыстық-атқару жүйесі департаментінің басшылығы мен қызметкерлеріне қатысты сотқа дейінгі тергеу жүргізіп жатыр. Оларды Қазақстан Республикасының Қылмыстық кодексінің 361-бабы (Лауазымдық өкілеттіктерді теріс пайдалану), 362-бабы (Билікті немесе лауазымдық өкілеттіктерді асыра пайдалану) және 366-бабы (Пара алу) бойынша қылмыстық құқықбұзушылықтар жасады деген күдікке ілінген.
Соттың шешімімен үш қызметкерге қамауда ұстау түріндегі бұлтартпау шарасы қолданылды. Қылмыстық-процестік кодекстің 201-бабының 1-бөлігіне сәйкес, тергеу барысы туралы басқа ақпарат жарияланбайды.
Жедел-тергеу іс-шаралары жалғасуда.
