Қонаев қаласында «Oceanman Kazakhstan — 2022» ашық суда жүзу халықаралық спорттық іс-шарасының ресми ашылуы өтті.
Қапшағай су қоймасының солтүстік жағалауына Қазақстан, Ресей, Қырғызстан, Өзбекстан, Украина, Италия, Швейцария, Түркиядан мыңнан астам спортшы жиналды.
Іс-шара кәсіби спортшыларды да, әр түрлі жастағы әуесқойларды да біріктірді. Бұл ел тарихындағы ашық суда ұзақ қашықтықтағы алғашқы жаппай жүзу.
Жарыста спортшылар 1,5 км, 5 км, 10 км және балалар 800 м. қашықтықта жүзіп өтулері керек.
Айта кету керек, іс-шара ҚР Мәдениет және спорт министрлігінің, Туризм индустриясы комитетінің, Алматы облысы әкімдігінің және елордалық су спорты түрлері федерациясының қолдауымен өткізіледі.
1 of 36
-
+
Тегтер: Қонаев
