Мысал ретінде бірқатар жобалар келтірілген:
• Мәселен, жылына 10 мың тонна қуаттылығымен баррамунди балық өсіру бойынша инновациялық кешен жобасы 67 млрд теңге инвестиция тартуды және 330 жұмыс орнын құруды көздейді;
• 300 жұмыс орны құрылатын, қуаттылығы жылына 70 мың тонна «IVI Kazakhstan» тез дайындалатын кеспе шығаратын зауыт құрылысына 8 млрд теңге тартылады;
• Өндірістік қуаты 2 мың тоннаға дейінгі «Арна» жылыжай кешенінің құрылысы 1 млрд теңге инвестицияны құрайды. Шаруашылықтың жылыжайларында 40 адам жұмыс істейтін болады.
Қонаев қаласы инвестициялар тарту бойынша облыста 7,5% үлесімен 5-ші орынға ие. Жыл басынан бері 12,2 млрд теңге инвестиция тартқан. Марат Сұлтанғазиев қала әкімдігіне инвестиция тартуды арттыру үшін барлық жағдай жасап, қала экономикасына инвестициялар көлемін ұлғайту бойынша қажетті шаралар қабылдау қажеттігін атап өтті.
