Денсаулық сақтау министрлігі көптеген медициналық ұйымдарға ММС аясында қызмет көрсетуге мүмкіндік бермейтін талапты алып тастады.
Бұған дейін көптеген жеке клиникалар, санаторийлер, диализ орталықтары және басқа да жеке сектор өкілдері әлеуметтік медициналық сақтандыру жүйесі бойынша тегін қызмет көрсете алмады. Клиника өкілдерінің айтуынша, шамадан тыс әкімшілік кедергілер болған.
«Бұйрық жобасы ҚР ҰКП қорытындысын алуға түскен кезде бұл тармақ болмаған, сәйкесінше кәсіпкерлік қоғамдастықтың талқылауына жіберілген жоқ. Ал медициналық ұйымдарды өңірлік перспективалық жоспарға енгізу регламенті болмағандықтан, кейбір өңірлерде медициналық ұйымдар жылдар бойы ӘМСҚ базасына кіре алмады. Бұл оларға мемлекеттік тапсырыс шеңберінде қызмет көрсетуге қатысуға мүмкіндік берер еді. Денсаулық сақтау министрлігінің бізді естіп, норманы алып тастағанына қуаныштымыз», – деді «Атамекен» ҰКП басқарушы директоры – медициналық қызметтер департаментінің директоры Назгүл Қабдрахманова.
Министрліктің бұйрығы 24 тамызда жарияланды және күнтізбе бойынша он күн өткен соң өз күшіне енеді.
