2024 жылдың 23 қыркүйегінде «Қаржы орталығы» АҚ қазақстандық студенттерге арналған шәкіртақы төлемдері туралы мәлімдеме жасады, деп хабарлайды alataunews.kz.
«Қаржы орталығы» хабарлауынша, 2024-2025 оқу жылының 1 семестрінде 1-курста оқитын студенттерге қыркүйек айының мемлекеттік шәкіртақысы ҚР Үкіметінің 2008 жылғы 7 ақпандағы №116 қаулысына сәйкес, 30 қыркүйектегі жағдай бойынша жоғары оқу орындарының есептерін тексергеннен кейін қазан айының ішінде төленеді.
Сонымен қатар, медициналық жоғары оқу орындарының жаңадан қабылданған 1-курс студенттеріне қыркүйек айының шәкіртақысы қазан айында қыркүйек және қазан айларына біріктіріліп төленетін болады. Басқа курстардағы студенттердің қыркүйек айының шәкіртақысы оқу орындарының ұсынған есептеріне сәйкес қыркүйек айының соңына дейін аударылады.
Шәкіртақы төлемдері ҚР Үкіметінің 2008 жылғы 7 ақпандағы №116 қаулысына сәйкес жүзеге асырылады.
