Минскіде өткен «ИННОПРОМ.Беларусь» халықаралық көрмесінде қазақстандық әзірлеушілер спортшылар жарақатын диагностикалауға және оның алдын алуға арналған жасанды интеллект негізіндегі инновациялық жүйені таныстырды.
Жоба Мемлекет басшысының барлық саланы, соның ішінде спорт пен медицинаны цифрландыру жөніндегі тапсырмалары аясында жүзеге асырылып жатыр. Жаңа технология кешенді биомеханикалық талдауға негізделген.
Спорттық жабдыққа біріктірілген арнайы сенсорлар көмегімен жүйе 20 мыңнан астам бірегей қозғалыс параметрлерін жинайды және өңдейді. Әрі қарай, машиналық оқыту алгоритмдері көзбен көру арқылы байқалмайтын ең кішкентай асимметрияларды анықтай отырып, алынған деректерді талдайды. Терең талдау жарақат алу қаупін жоғары дәлдікпен болжауға және спортшы мен жаттықтырушыға жеке ұсыныстар жасауға мүмкіндік береді.
«Біздің жүйе екі минут жасырын қауіп-қатерді анықтау үшін жасанды интеллект арқылы өңделетін үлкен көлемдегі деректерді екі минут ішінде жинауға мүмкіндік береді. Біз Astana жастар футбол командасымен табысты пилоттық жоба өткіздік. Біздің өнімнің құндылығы мен нәтижесін көрсетті. Жаттықтырушылар риза болды. Енді біз келесі жылға футбол клубымен бір жылдық келісімшартты іске қосамыз», — деді «Mirai Tech» ЖШС операциялық директоры Азамат Ержанов.
Айта кетелік көрмеде жасанды интеллектімен жабдықталған қазақстандық «ақылды каска» таныстырылған еді.
