Су ресурстары және ирригация министрі Нұржан Нұржігітов «Жедел желі» бағдарламасында Қазақстанның бірнеше облысында жаңа су қоймалары салынатынын мәлімдеді, деп хабарлайды alataunews.kz.
Жоспар бойынша:
- Жамбыл облысында – 3 су қоймасы;
- Түркістан облысында – 3 су қоймасы;
- Ақтөбе облысында – 4 су қоймасы;
- Батыс Қазақстан және Қарағанды облыстарында – әрқайсысында 2 су қоймасы салынады.
Су қоймаларының мақсаты:
- Көктемгі су тасқынын алдын алу.
- Жиналған суды тиімді пайдалану.
- Экологиялық ағынды қамтамасыз ету.
Су қоймаларындағы қазіргі жағдай:
Министрдің айтуынша, қазір вегетация аралық кезеңде елдің Батыс, Солтүстік, Шығыс және Орталық өңірлеріндегі су қоймалары босатылып жатыр. Бұл келер көктемгі су тасқынына дайындық шеңберінде жасалуда. Қоймалардағы суды шамамен 50 пайызға дейін азайту жоспарланған.
Сырдария өзені: сырттан келетін суға тәуелділік
Сырдария өзенінің суы 90 пайызға өзге мемлекеттерден келетінін айтқан министр елдегі су ресурстарының халықаралық байланыстарға тәуелді екенін атап өтті.
