Аталған өзгерістер ҚР Әкімшілік құқық бұзушылықтар туралы кодексінің 204-4 бабына енгізілген. Бұрын мұндай заң бұзушылық үшін алғаш рет тек ескерту жасалатын болса, енді айыппұл бірден қарастырылады.
Айыппұл мөлшері мынадай:
-
Жеке кәсіпкерлер мен шағын бизнес – 5 АЕК (19 660 теңге);
-
Орта бизнес – 35 АЕК (137 620 теңге);
-
Ірі сауда желілері – 150 АЕК (589 800 теңге).
Егер заң бұзушылық бір жыл ішінде қайталанса, айыппұл мөлшері екі есе артады.
Министрліктің хабарлауынша, бұл өзгерістердің басты мақсаты – әлеуметтік маңызы бар өнімдердің бағасын тұрақты ұстап тұру және спекуляция мен негізсіз қымбаттаудың алдын алу.
Қазір сауда орындарына бақылау күшейтілді, әрбір кәсіпкер 15% шекті сауда үстемесін сақтау міндетін орындауы тиіс.
Баға өзгерісінің соңғы динамикасы
Ұлттық статистика бюросының мәліметі бойынша, 2025 жылдың 1 сәуіріне қарағанда, ӘМАТ индексі бір аптада 0,3% өскен. Дегенмен, қаңтар–ақпан айларымен салыстырғанда баға өсімінің қарқыны бәсеңдегені байқалады.
«Өткен аптада нан, рожки, қарақұмық, күнбағыс майы, кефир мен тұз бағасы тұрақты болды. Ал сиыр еті, қырыққабат пен картоп бағасында аздап өсім тіркелді. Көкөніс бағасының көтерілуі маусымаралық кезеңмен және логистика мен коммуналдық қызмет тарифтерінің өсуімен байланысты», – делінген хабарламада.
Бұл бастама тұтынушылардың мүддесін қорғауға бағытталған және баға әділдігін қамтамасыз етугемүмкіндік береді.
Фото: ашық дереккөз
