Желіде ҰБТ-да жоғары балл жинағанына қарамастан, білім беру грантын иелене алмаған бірнеше баланың шағым пайда болды. Олардың айтуынша, бұған су тасқынынан зардап шеккен аймақтардың талапкерлеріне бөлінген квота себеп болған.
«Біз ТЖ өңірлеріндегі балаларға көмектесеміз деп басқа балалардың құқықтарына нұқсан келтірдік. Олар қазір сотқа жүгінбекші. Бұл олардың құқығы. Бірақ мұндай сот процестері ұзаққа созылады. Одан қандай нәтиже болатыны да анық емес. Егер олар сотта жеңіске жетіп, министрлік оларға осы гранттарды қайтаруға міндеттелсе де, олар келер жылдың бюджетінен болуы мүмкін», — деді Мәжіліс депутаты Ислам Сұңқар.
Ғылым және жоғары білім министрі Саясат Нұрбек гранттардың басым бөлігін мемлекет үшін басым мамандықтарды таңдаған талапкерлер алғанын хабарлады.
10 мың гранттың үш мыңын еліміздің жетекші университеттері, тағы екі мыңға жуығын жұмыс берушілер мен «Қазақстан халқы» қоры, қалғандарын — өңірлердің әкімдіктері бөледі.
