Өткен жылы ТЖМ қарамағына Сейсмология институты мен Сейсмологиялық тәжірибелік-әдістемелік экспедиция өтті. Олар Алматы мен Алматы облысының аумағында зерттеулер жүргізіп жатыр.
Юрий Ильин атап өткендей, қалада 17 бақылау станциясы орналасқан. 2023 жылдың соңына дейін осындай 28 станция орнату жоспарланды.
Бүгін Алматы қаласының маңында «Darmen» мобильді қосымшасымен ұштасқан жер сілкіністерін алдын ала хабарлау жүйесінің тағы 9 сейсмикалық станциясы орнатылды.
Бұл қосымшаның ерекшелігі, ол ТЖ туралы халықты дереу хабардар етуге мүмкіндік береді. Мысалы, магнитудасы 4 балл және одан жоғары жер сілкінісі кезінде сейсмикалық қондырғылар іске қосылған кезде азаматтардың смартфондарына хабарламалар автоматты түрде жіберіледі.
«2000 жылдан бастап 240-қа жуық нысан сейсмикалық жағынан нығайтылды. Биыл білім беру мен денсаулық сақтаудың 7 нысаны бойынша жұмыстар аяқталып жатыр», — деді министр.
Әкімдіктің қолдауымен хабардар ету жүйесі жаңартылып, адамдар көп жиналатын ғимараттар үшін цифрлық жабдықтар сатып алынды.
