Ұлттық банк Tengrinews.kz редакциясының ресми сауалына берген жауабында 2024 жылдың жазында номиналы 10 000 теңгелік банкнот шығару жоспары барын, жалпы осы серия аясында 2025 жылдың аяғына дейін банкноттардың барлық номиналын айналымға шығару қарастырылып жатқанын айтқан.
Жаңа дизайндағы банкноттар айналымға шыққаннан кейін бұрынғы дизайндағы банкноттар айналымнан кезең-кезеңімен шығарылады.
Параллель айналыс кезеңі аяқталғаннан кейін барлық банктер мен «Қазпошта» ескі банкноттарды тағы 3 жылға жаңасына ауыстырады. Осы кезеңнен кейін Ұлттық банк филиалдары ескі үлгідегі банкноттарды шектеусіз айырбастауды жалғастырады.
