Қаулыға сәйкес, енді 18 бен 21 жас аралығындағы азаматтар төлем карточкаларын қашықтан немесе өкіл арқылы шығара алмайды. Бұл жас санатындағы клиенттер банкке тұлғасын растап, тікелей өзі жүгінуі тиіс.
Сондай-ақ, 14 пен 18 жас аралығындағы жасөспірімдер электрондық банк қызметтерін қолдану үшін ата-аналарының немесе заңды өкілдерінің келісімін алуы қажет.
Бұдан бөлек, жаңа талаптарға сәйкес, мобильді банкинг қолданушылар тек бір ғана банк идентификаттаған құрылғыны пайдалана алады. Яғни азаматтар мобильді қосымшаны бір ғана телефонмен қолдануға міндетті болады.
Агенттік бұл өзгерістер клиенттердің жеке деректерін қорғау және алаяқтықтың алдын алу мақсатында енгізілгенін атап өтті.
