Құжат 2026 жылы әскери қызметке шақырылуы тиіс азаматтар санын және тәртібін айқындайды.
Қаулыға сәйкес, әскери қызметке жарамды, бірақ бұрын қызмет өтемеген запастағы офицерлер заңда белгіленген тәртіппен әскерге шақырылады. Олар офицерлік құрам лауазымдарында 24 ай мерзімге қызмет атқаратын болады.
Жалпы 859 адам шақырылмақ. Олар келесі құрылымдарға бөлінеді:
700 адам — ҚР Қарулы күштеріне;
80 адам — ҚР ҰҚК Шекара қызметіне;
64 адам — ҚР ІІМ Ұлттық ұланына;
15 адам — ҚР Төтенше жағдайлар министрлігіне.
Құжат 2025 жылғы 20 желтоқсаннан бастап күшіне енеді.
