2024 жылы Қазақстан туризм саласында ерекше өсімді көрсетті. Жұмыс немесе тұрақты тұру мақсатында келгендерді есептемегенде, елімізге 15,3 миллион шетелдік турист сапарлаған. Бұл көрсеткіш — Қазақстанның туристік әлеуетінің артқанының айқын дәлелі.
10,4 миллион қонақ елде бір күннен артық уақыт өткізіп, шетелдік туристер санатына енген. Ресми мәліметке сәйкес, шетелдік меймандардың елімізде орташа болу мерзімі — 4 күн.
? ТМД елдерін есептемегенде, 2024 жылы Қазақстанға ең көп турист жіберген мемлекеттер:
Қытай – 655 мың турист
Визасыз режим мен әуе қатынасының кеңеюі бұл өсімге ықпал етті.Үндістан – 146 мың турист
Тікелей рейстер мен визалық жеңілдіктер үндістандықтар үшін елімізді тартымды етуде.Түркия – 130 мың турист
Мәдени және іскерлік байланыстардың нығаюы сапарлар санының өсуіне әсер етті.Германия – 92 мың турист
Этнотуризм мен табиғи көрікті жерлерге деген қызығушылық басым.Оңтүстік Корея – 40 мың турист
Туристерді тартуда табиғат, тағам және мәдени мұра маңызды рөл атқарып отыр.
Бұл сандар Қазақстанның халықаралық туризм нарығындағы беделі артып келе жатқанын көрсетеді. Туризм инфрақұрылымын дамыту және визалық саясатты жеңілдету еліміздің тартымдылығын одан әрі күшейтуде.
Фото: ашық дереккөзден
