Министрліктің мәліметінше, бұл бастама мемлекет, инвесторлар және бизнес өкілдерінің бірлескен еңбегінің нәтижесінде жүзеге асуда.
Зауыт заманауи технологиялармен жабдықталған. Мұнда SmartThings экожүйесін қолдайтын Samsung кір жуғыш машиналары, сондай-ақ Smart TV функциясы бар теледидарлар құрастырылады. Жыл соңына дейін 10 мың теледидар мен 25 мың кір жуғыш машинаны нарыққа шығару жоспарланып отыр.
Ұзақ мерзімді жоспарда өндіріс көлемін арттыру көзделген. 2026 жылдан бастап зауыт жыл сайын 150 мың теледидар және 200 мың кір жуғыш машина шығармақ.
Бұл жоба ішкі нарықты сапалы тұрмыстық техникамен қамтып қана қоймай, экспорттық әлеуетті де арттыруға бағытталған.
