Экспорттың ұлғаюы туралы (АҚШ долларымен есептеледі):
- Грузия – 2021 ж. 12,6 млн – 2022 жылы 90,2 млн = 7 есе ұлғайған;
- Канада – 2021 ж. 51,8 млн – 343,5 млн = 6,6 есе;
- Марокко – 2021 ж. 24,1 млн – 2022 ж. 124,1 млн = 5 есе;
- Оңтүстік Корея – 2021 ж. 441,3 млн – 2022 ж. 1,7 млрд = 4 есе;
- Жапония – 2021 ж. 125,6 млн – 2022 ж. 418,9 млн = 3,3 есе;
- Түркия – 2021 ж. 1 млрд – 2022 ж. 2,1 млрд = 2,1 есе.
Министрліктің мәліметінше, шикізатты экспортқа шығарушы қазақстандықтар үшін шығынды жартылай өтеу, сақтандыру, кепілдеме және субсидиялау секілді көмектер көрсетіледі. Және қаржылай емес көмектер қатарына кәсіпкерлерді қолдау бағдарламалары, ҚР Сыртқы істер министрлігінің шет елдегі мекемелерімен байланыс орнату, экспорт потенциалы жоғары қызмет көрсету, халықаралық талаптарға сай жаңа ұлттық стандарттарды бекіту кіреді.
Қазақстанда осы жылдың қаңтар айынан бастап министрлік экспортты акселерациялау бағдарламасын іске қосты. Яғни, министрлік экспортпен айналысатын компания өкілдерін оқыту, компанияның маркетинг бөлімін дамыту, стратегиясын әзірлеу, тауарларды шетелдерде көрмеге қою, экспорттық келісім шарт жасауға көмектеседі. Аталған бағдарлама бойынша Ресейге, Өзбекстанға, БАӘ-не, Сауд Арабиясына, Әзірбайжан елдеріне экспортқа тауар шығаруды дамыту көзделіп отыр.
Сонымен қатар министрлік тек шикізатты емес, дайын өнімді сыртқа шығаруды дамытуға күш салып жатыр, оның ішінде: металл өнімдері, түрлі құрылғылар, азық-түлік, жанармай, дизельді отын бар.
