2022 жылдың наурызында аталған мекемеде Дүниежүзілік денсаулық сақтау ұйымының (ДДСҰ) қолдауымен медициналық-санитарлық алғашқы көмектің (МСАК) демонстрациялық платформасы ашылған. Екіжақты кездесу де осы МСАК төңірегінде ұйымдастырылды.
Ауқымды шара 3 бөлімнен құралды:
- Семинардың бірінші бөлігінде аурухананың директоры Жәмила Әбеуова шетелдік дәрігерлер үшін науқастарға жедел көмек көрсетудің бағыты жайлы айта отырып, келушілерге мекемені таныстырды.
- Акт залында ДДҰ-ның өкілдері Арнольдас Юргутис пен Айгүл Құттымұратова МСАК-ты тұрақты дамыту және жүйелі түрде алға жылжытудағы басшылықтың рөлі жайлы дәріс оқыды.
- МСАК көпсалалы бригадасының міндеті мен функциясын анықтау тақырыбында таныстырылым көрсетілді.
Аталған үш бөлімде де Қазақстан тәжірибесін Тәжікстан ауруханаларына енгізу мәселелері талқыға салынды.
«Біз бұл сапардан көп нәрсеге қанығатынымыз анық. Сіздерден тәлім алу арқылы еліміздегі МСАК-ты реформалау жүйесін, оның ішінде медициналық және әлеуметтік қымет көрсету интеграциясын, отбасылық медицинаны дамытуды сәтті жүзеге асыруға мүмкіндік аламыз, — деді шетелдік денсаулық сақтау министрлігінің өкілі Зиедулло Идрисов.
Айта кетейік, тәжікстандық дәрігерлер апта соңына дейін Қазақстанның медицина саласындағы тың жаңалықтармен танысып, түрлі орталықтарды аралайтын болады.
