Будапешт қаласында шахматтан 45-ші Олимпиада ойындары аяқталды. Қазақстан қыздар құрамасы күміс жүлде иеленді, деп хабарлайды alataunews.kz.
Қазақстан шахмат тарихында алғаш рет жүлделі орынға ие болып, тарихи жетістікке жетті. Соңғы турға дейін ұлттық құрама бас жүлдеге үміткерлер қатарында болды. Бұған дейін Қазақстанның ең үздік нәтижесі 2022 жылы тіркеліп, 5-орынды иеленген болатын.
Шешуші турда Қазақстан құрамасы АҚШ-пен 2:2 есебімен тең түсті.
Жарыс қорытындысы бойынша Бибісара Асаубаева, Меруерт Камалиденова, Ксения Балабаева, Алуа Нұрман және Әмина Қайырбекова сынға түскен Қазақстан құрамасы 18 ұпай жинады. Олимпиада жеңімпазы атанған Үндістан қыздар құрамасы 19 ұпайға ие болды.
Бибісара Асаубаева бірде-бір қарсыласынан жеңілмей, Қазақстан құрамасының жүлделі орын алуына айтарлықтай үлес қосты.
Ерлер арасында да чемпион атағын Үндістан құрамасы иеленді.
