ҚР Мәдениет және спорт министрлігінің тапсырысы бойынша ҰКҚМО қолдауымен түсірілген «Нартай» фильмі фестивальдің негізгі конкурстық бағдарламасына қатысып, төрт жүлдеге ие болып, Үздік көркем фильм атанды. Сонымен қатар фестиваль бағдарламасында басқа да отандық картиналар көрсетілді.
«Мен сіздің елде түсірілген көркем фильмін алғаш рет көріп отырмын, бұған дейін тек деректі фильмдерді тамашалаған едім. Кино маманы басқа елден келген кәсіпқойдың жұмысын көргенде, ең алдымен кино тілін түсінуге тырысады. Бұл фильмде ол ерекше, керемет. Бұл фильмдерді көргенде, біз кино тілінде жеткізілген белгілі бір оқиғаға тап боламыз және мені баураған дәл сол сезім», — дейді іс-шара қонақтарының бірі, режиссер, Канн кинофестивалінің қатысушысы Мусса Туре.
Африкалық көрермендер қазақ киносының деңгейін жоғары бағалады, ал индустрия мамандары серіктестік орнатуды ұсынды.
«YARHA фестивалімен серіктестік келесі жылы да жалғасады деп үміттенемін, бұл Қазақстанның оң имиджін ілгерілетуге өз үлесін қосатынына сенімдімін. Мәдени дипломатия жалғасуы керек. Біз қазақстандық картиналардың Марокко, Тунис, Сенегал және Конго елдерінде көрсетілгенін қалаймыз», — деп атап өтті Франциядағы қазақстандық кино қауымдастығының президенті Андрэ Иванов.
Камерундағы отандық фильмдердің көрсетілімін Франциядағы қазақстандық кино қауымдастығы ұйымдастырды — бұл Африкадағы алғашқы осындай ауқымды шара.
