12 шілде күні сағат 14:43-те құтқарушылар Қапшағай көлінен 2004 жылы туған жасөспірімнің денесін алып шықты.
Жасөспірімге алғашқы медициналық көмек көрсетілгенімен еш нәтиже болмаған. Құтқарушылардың айтуынша, қайтыс болған жасөспірім жағажайда достарымен бірге өткен түннен бері демалып жүрген.
Жыл басынан бері елімізде 134 адам суға кетіп қайтыс болды, оның 51-і бала. Ал бірінші маусымнан бері 91 адам суға кеткен, оның 38-і балалар. Құтқарушылар 98 ересек пен 29 баланы аман алып қалған.
