Қасым-Жомарт Тоқаев елімізде жасанды интеллект саласын дамытуға қатысты ойымен бөлісіп, Қазақстанның ІТ сектордағы әлеуеті зор екенін атап өтті, — деп хабарлайды alataunews.kz.
— Бүгінде бүкіл адамзат цифрлық әлемде өмір сүріп жатыр. Табысқа жету үшін адами капиталды, цифрландыруды және жасанды интеллектті дамыту қажет.
— Елімізде жасанды интеллектті дамытудың халықаралық орталығын құру қажет.
— Сондай-ақ жетекші халықаралық сарапшылардың қатысуымен жасанды интеллектті дамыту жөніндегі кеңес құру тапсырылды. Бұл Қазақстанның институционалдық ортасын әлемдік стандарттармен үндестіруге мүмкіндік береді.
— Үкімет ірі компанияларды тарту үшін жағдай жасауы тиіс. Негізгі міндеттері: деректер орталықтарын салу, Киберқауіпсіздіктің әлемдік стандарттарын енгізу және мамандардың біліктілігін арттыру.
— Азаматтардың ЖИ саласындағы құзыретін арттыру қажет. 5 жыл ішінде дағдыларды 1 миллион адам алуы керек. Жасанды интеллекттің пайдасы мен қолданылуы әр тұрғынға жеткізілуі керек.
