Судьяның мәлімдеуінше, сот талқылауының айыпталушыларды сұрау кезеңі жабық түрде өтеді, яғни бұл бөлім көпшілікке қолжетімді болмайды. Ал қалған сот отырыстары ашық форматта жүргізіледі.
Сот отырыстары әр аптаның дүйсенбі және сейсенбі күндері өтетін болып белгіленді. Бірінші негізгі отырыс 14 шілде күні сағат 10:00-де басталады.
«Қылмыстық-процестік кодекс талаптарына сәйкес, сот процесі ашық форматта өтеді. Жабық түрде өткізу тек заңда нақты көзделген және негіздеме болған жағдайда ғана рұқсат етіледі. Қорғаушы, айыпталушылар, жәбірленушілер мен олардың өкілдері және мемлекеттік органдар қатысқан талқылаудан кейін сот бұл істі жабық тәртіпте жүргізуге негіз жоқ деген қорытындыға келді», – деді судья.
