Абай облысының Курчатов қаласындағы Қазақстанның Ұлттық ядро орталығы 1980 жылы полигонда қолданылған ядролық отынды Павлодар облысының Май ауданы аумағында сақтауды жөн көріп отыр. Ол үшін арнайы резервуар салынатын болады. Қоғамдық тыңдау өткізген орталық өкілдері, бұл адам экологияға, жергілікті халыққа және малға еш зияны болмайды деп отыр. Алайда, экологтар басқаша айтуда. Экологиялық кодексте ядролық отын атом қалдықтар болып саналады. Ал, оны жою жолдары заңда басқаша қарастырылған.
«Сіздердің баяндамаларыңызда бұл жайлы ештеңе айтылмаған. Оның ертеңі не болмақ. Адамдар «50 жылдан кейін зардабы болмай ма?» деп сұрап жатыр. Бірдеңе бол қалса алдын алу шаралары туралы ештеңе жоқ. Павлодар облысында сынап қалдықтарын жоя алмай жатқан тарихи жағдай бар. Оны қайтерін білмей отырып енді атом қалдықтарын сақтамақ па!? Сіздердің реакторларыңыз басқа облыста орналасқан ал сіздер қалдықтарды бізде сақтамақсыздар. Оған қарсымыз», — дейді эколог Светлана Могилюк.
Бүгін Павлодар облысы Май ауданының Ақжар ауылында өткізілген қоғамдық тыңдау арты дауға айналған соң ұйымдастырушылар оны тоқтатуға мәжбүр болды. Қазақстанның Ұлттық ядро орталығының өкілдері баяндамаларын пысықтап, толықтырып қайтадан өткізетіндерін айтты.
