«Жақында ұлттық спортымызды, оның ішінде ат спорты мен ат туризмін заманға сай жаңғырту мақсатында «Ұлы дала жорығы» атты жаңа жобаны қолға алып отырмыз. Өздеріңіз білесіздер, бүгінде әлем елдері ат жарысының түр-түрін өткізеді. Біз соның барлығын саралай келе, қашықтығы 1200 шақырымнан асатын «Ұлы дала жорығы» аламан жарысын, марафон-бәйгесін ұйымдастыруды жөн көрдік», — деді өз сөзінде министр.
Сонымен қатар министрдің сөзіне сүйенсек, бүгінгі таңда облыста 2 халықаралық, ҚР 15 чемпионаты, 50 республикалық турнир, Алматы облысының 125 чемпионаты және 400-ге жуық облыстық, аудандық, қалалық іс-шаралар өткізу жоспарланған.
