«Қазіргі жағдайды ескере отырып, министрлік сарапшылармен бірге эпидемиологиялық жағдайдың болжамын жасады. Оған сәйкес тамыз айында коронавирус инфекциясының орташа тәуліктік саны 4 мың жағдайға дейін өседі. Кейін қыркүйек айында төмендейді деп болжап отырмыз», — деді министр.
Оның айтуынша, қазір Қазақстанда халықты вакцинациялау және ревакцинация өткізу үшін екпенің үш түрі бар. Бұл – QazVac, Синофарм және Файзер вакциналары.
«Жалпы 1 млн 350 мыңнан астам дозасы бар. Жыл соңына дейін үздіксіз иммунопрофилактиканы қамтамасыз ету үшін 500 мыңдай QazVac вакцинасын және балалар мен жүкті әйелдерге Файзер вакцинасының 300 мың дозасын алу жоспарланып отыр”, — деді ол.
