Бұған дейін Желіде оқушылардың мектепте намаз оқыған видеосы тараған болатын. Министр оқиға қайда болғаны анықталып жатқанын айтты.
«Қазір жағдайды анықтап жатырмыз. Оқиғаның қай өңірде болғаны әлі белгісіз. Толық мән-жай анықталғасын белгілі бір шаралар қабылданады. Ол мектепте болды ма, болмады ма анықтап алу керек», — деді Ғани Бейсембаев Үкіметтің баспасөз орталығында.
Журналист «Жалпы мектептерде намазхана болуы керек пе?» деп сұрағын нақтылады.
«Ең алдымен мектеп – білім мен тәрбиенің ошағы. Сондықтан мектепте міндетті түрде білім алуы керек. Бұл туралы біз үнемі айтып жүрміз. Бұл ұстанымнан біз тайған емеспіз. Сондықтан мұнда басқа мәселені көтерудің қажеті жоқ деп ойлаймын. Жалпы мектеп – сапалы білім мен тәрбиені үйретуге арналған орын», — деді министр
