Биыл байқауға 75 қатысушыдан 153 материал ұсынылды.
ҚР Ғылым және жоғары білім вице-министрі Талғат Ешенқұлов байқаудың жеңімпаздары мен жүлдегерлерін құттықтап, марапаттады.
«Ұлт ұстазы Ахмет Байтұрсынұлының сан салалы асыл мұрасы ғылымның сара жолын ашып, мәдениетімізді жаңа биіктерге көтерсе, cіздер бүгін сол Алаш зиялылары бастаған ұлт баспасөзінің дәстүрін сәтті жалғастырып, рухани мәдениетіміздің ажырамас бөлігі мемлекеттік тілімізді насихаттауға, оның қолданыс аясын кеңейтуге үлкен үлес қосып келесіздер», – деді Талғат Ешенқұлов.
Арнайы комиссияның шешімімен бас жүлде Жамбыл облыстық «Ар-Ай» жастар газетінің тілшісі Әбдір Шапағатқа бұйырып, оған 1 000 000 теңгенің сертификаты табыс етілді.
«Үздік мақала» номинациясы бойынша: І орын республикалық «Жас алаш» қоғамдық-саяси газетінің тілшісі Бифат Елтаеваға, ІІ орын «Egemen Qazaqstan» газетінің аға тілшісі Айдана Шотбайқызына, ІІІ орынға «Төлеби туы» қоғамдық-саяси газеті редакциясының бөлім меңгерушісі Төлеген Ахметовке бұйырды.
«Үздік теле және радиобағдарлама» номинациясы бойынша: І орынды «Жетісу радиосының» бас редакторы Мұхит Тоқтасын, ІІ орынды Қазақ радиосының шолушы редакторы Шәкім Жанболат, ІІІ орынды «Qyzylorda» телеарнасының шеф-редакторы Толқын Қабылша жеңіп алды.
«Үздік сайт» номинациясы бойынша нәтиже мынадай болып шықты: І орын – республикалық «Айқын» газетінің тілшісі Қарқын Көктем, ІІ орын – халықаралық «Түркістан» газетінің штаттан тыс тілшісі Ахмер Біржан, ІІІ орын – Қазақстан ұлттық құрамасының баспасөз хатшысы Ермұхамед Мәулен иеленді.
Байқау жүлдегерлері ақшалай сыйақымен марапатталды.
