Бүгін аймақ басшысы Қонаев қаласының халқымен кездесті. Жиында тұрғындар қолжетімді баспанамен қамту туралы сөз қозғады.
Қазіргі уақытта қала бойынша тұрғын үй алу кезегінде 3134 адам тұр. 2021 жылмен салыстырғанда олардың саны 309 адамға артқан.
Биыл облыс аумағында 722 мың шаршы метрден астам тұрғын үй салу жоспарланған. Оның 26 мың шаршы метрі Қонаев қаласында салынбақ.
Сонымен қатар, 180 пәтерлік 3 несиелік үйдің құрылысы жүргізілуде. Бұл жобаға 3,2 млрд теңге бөлінді. Нысандар келесі жылы пайдалануға беріледі.
