Оның айтуынша, алаяқтар алдымен мессенджерлер мен әлеуметтік желілерде жеңіл табыстар туралы хабарландырулар береді. Содан соң өз атына карта, абоненттік нөмір ашуды ұсынады.
«Кейіннен аталған карталар мен абоненттік нөмірлерді алаяқтар ақша алу үшін пайдаланады. Мұндай жағдайларда карта үшін біржолғы төлем жасалады немесе криптовалюта биржалары және халықаралық аударымдар жүйелері арқылы басқа тұлғаларға ақша түседі. Осылайша, азаматтар заңсыз өндірілген ақшаны қолма-қол ақшаға айналдырудың алаяқтық схемаларына тартылып, қылмыстарға өздері қатысады», — деп түсіндірді киберқылмыспен күрес орталығы басшысының орынбасары.
Брифингте еліміздің көптеген аймақтарында бір-біріне ұқсас алаяқтық схемаларының бар екені айтылды. Мұндай жағдайлар әрі қарай көбеймес үшін жауапкершілікті қатаңдату ұсынылды.
«ІІМ Цифрлық даму, инновациялар және аэроғарыш өнеркәсібі министрлігі және ұялы байланыс операторларымен бірнеше кеңес өткізді. Техникалық реттеу мәселелерін талқылады. Бүгінгі таңда компаниялар ауыстырылатын нөмірлерден қоңырауларды бұғаттау мәселелерімен айналысады. Жыл соңына дейін олардың ақпараты бойынша бұл мәселе шешілуі тиіс. Қазіргі уақытта уәкілетті органдармен бірлесіп банктік пластикалық карталарды беру үшін жауапкершілікті енгізу, сондай-ақ күмәнді тарифтерге рұқсат бергені үшін байланыс операторларының жауапкершілігін қатаңдату мәселелері қаралып жатыр», — деді Рүстем Дүйсетаев.
