Әлемдік БАҚ Германияда ковидтің ХЕС штаммы тіркелгенін, ғалымдар әлемде ауыр індеттің тағы бір толқыны басталуы мүмкін деп дабыл қағып жатқанын жазып жатыр, деп хабарлайды alataunews.kz.
Ұлыбритания, АҚШ және Дания елдерінде коронавирустың жаңа түрі анықталды. Америкалық ғалымдардың мәлімдеуінше, бұл вирус бұрынғы нұсқаларға қарағанда қауіптірек және тез таралады. Ғалымдар азаматтарды қазіргі қолжетімді вакциналарды ектіруге шақырып, сақтық шараларын алдын ала жасауға кеңес береді, себебі жаңа штамм әсіресе қыс мезгілінде белсенді болмақ.
«Коронавирустың жаңа штаммдары тұрақты түрде пайда болуда. Ковидтің толықтай жойылмайтынын түсінуіміз керек, себебі ол мутацияға ұшырап, мезгіл сайын қайта пайда болуы мүмкін. Өткен аптада елімізде 25 науқас стационарлық көмекке жүгінді. Біз халықтан сынама алып, Ковид-19 қоздырғыштарын анықтау үшін зерттеу жүргіздік. Қазіргі уақытта халықтың алаңдауына негіз жоқ,» – деп түсіндірді ҚР Денсаулық сақтау министрлігі санитарлық-эпидемиологиялық бақылау комитетінің басқарма басшысы Роза Қожапова.
