28 қыркүйекте Көкшетау қаласының Полиция басқармасына 37 жастағы тұрғынның жоғалған картасынан 18091 теңге жұмсалғаны жайлы хабар түсті. Тұрғынның айтуынша, ол 19 қыркүйекте телефонын жоғалтып алған, ал телефон қаптамасында құжаттар мен банк картасы болған. Ол басқа телефон сатып алып, жоғалған абоненттік нөмірді қалпына келтірген. Сонда өзі сатып алмаған тауарларға ақша аударылғаны туралы хабарламалар келе бастаған.
Полиция қызметкерлері тұрғылықты жері жоқ 48 жастағы ер адам телефонды тауып алғанын анықтады. Күдікті смартфонды лақтырып жіберіп, картаны азық-түлік алу үшін бірнеше рет пайдаланған. Қазіргі таңда ҚР ҚК-нің ұрлық жасау бабы бойынша сотқа дейінгі тергеу жүргізіліп жатыр.
