«Anti-fraud» республикалық жедел іс-шарасының аясында Көкшетау ПД криминалды полиция бөлімі аталған қылмысқа 19 жастағы банк менеджерінің қатысы бар екенін анықтаған. Себебі, полицияға шағым түсірген ер адам екі-үш күн бұрын дәл осы жігітке келіп, кеңес алған.
«Күдіктінің айтуына қарағанда, 14 шілде күні ол несие алу бойынша сұрақтарымен келген тұтынушыны қабылдаған. Өз қызметін пайдаланып, банктің ақпарат жүйесінде бірнеше құйтырқы әрекет жасап, ақшаны өзіне аударып алған. Кейін ол бұл ақшаны букмекерлік кеңсеге барып ұттырған», — делінген Polisia.kz хабарламасында.
Аталған факт бойынша ҚР ҚК-нің 188-бабына сәйкес сотқа дейінгі тергеп-тексеру жұмыстары басталды.
