Бұған айлық есептік көрсеткіштің (АЕК) 3 932 теңгеден 4 325 теңгеге дейін көтерілуі себеп. Жаңа мөлшерлеме Президент Қасым-Жомарт Тоқаев қол қойған 2026–2028 жылдарға арналған мемлекеттік бюджетте бекітілген.
АЕК-тің өзгеруіне байланысты келесі жылы мемлекеттік баж мөлшерлері де қайта қаралады:
16 жасқа дейінгі балаға арналған 24 беттік паспорт – 17 300 теңге (2025 жылы – 15 728 теңге)
36 беттік паспорт – 34 600 теңге (2025 жылы – 31 456 теңге)
48 беттік паспорт – 51 900 теңге (2025 жылы – 47 184 теңге)
Жеке куәлік – 865 теңге (2025 жылы – 786 теңге)
Жеке куәлікті бір жылда екі реттен жиі жоғалтқан жағдайда азамат 1 АЕК — 4 325 теңге төлейді.
2026 жылы жүргізуші куәлігін рәсімдеу құны 5 406 теңге болады (1,25 АЕК).
Неке қию куәлігінің бағасы да өседі — жаңа жылдан бастап ол 1 АЕК — 4 325 теңге.
Ал некені бұзу үшін мемлекеттік баж 8 650 теңгеге (2 АЕК) дейін қымбаттайды. Бұл — некені тіркеуден екі есе жоғары.
Туу туралы куәлік бұрынғыдай тегін беріледі. Алайда құжатты қайта рәсімдеу қажет болған жағдайда 0,5 АЕК — 2 163 теңге төленеді.
Келесі санаттағы азаматтар құжаттарды тегін рәсімдей алады:
ел батырлары және жоғары мемлекеттік наградалары бар тұлғалар;
«Күміс алқа», «Алтын алқа» сияқты құрметті атағы бар көпбалалы аналар;
соғыс ардагерлері және жауынгерлік әрекеттерге қатысушылар;
мүмкіндігі шектеулі азаматтар және мүгедектігі бар балалардың ата-аналары;
әлеуметтік мекемелердегі қарттар;
жетім балалар және толық мемлекеттік қамқорлықтағы тәрбиеленушілер;
Чернобыль апатынан зардап шеккендер.
