Инвестиция тарту бойынша аудан облыста соңғы 10-шы орында, жыл басынан 2 млрд. теңгенің ғана инвестициясы келді. Облыс бойынша 2030 жылға дейін 9000 адамды жұмыспен қамтитын құны 1 триллион теңге болатын 138 жобаның 18-і Кеген ауданына тиесілі. Оның ішінде кегендік жобаның құны – 129 млрд. теңге. Жүзеге асқан жағдайда 397 адамды жұмыспен қамтиды.
Алайда, олардың 8-ін іске асыру жұмыстары тоқтап тұр:
– Шарын өзенінің орта учаскесінде қуаты жылына 220 МВт құрайтын «Ақтоғай» су электр станциялар каскадының құрылысы;
– «Самұрық-Энерго» АҚ қатысуымен «Теплоэнергомаш» серіктестігінің қуаты 47 МВт «Шелек» су электр станциясының құрылысы;
– «Арна Маркет» серіктестігінің қуаты 100 МВт күн электр станциясының құрылысы және басқа да ірі жобалардың жұмысы тоқтап тұр.
Облыс әкімі Кеген ауданы әкіміне жіберілген олқылықтарды қалпына келтіру туралы бірқатар тапсырмалар берді.
