Облыс бойынша 97 мың шағын және орта бизнес субъектілері бар, оның 2,6 мыңы Кеген ауданына тиесілі. 3,5 мың адам жұмыспен қамтылған. Мұнда шығарылған өнім, көрсеткен қызмет көлемі 6,3 млрд. теңге, яғни 0,3 пайызға төмендеген.
Сондай-ақ, биылғы алты айдың қорытындысы бойынша салық түсімдері де 6,5 пайызға азайып, бюджетке 1,2 млрд. теңге ғана түскен. Осы жылы 6 жобаны субсидиялау жоспарланған. Нәтижесінде, 87 адам жалпы сомасы 53,3 млн. теңгеге грант алады.
Алайда, облыс басшысы Марат Сұлтанғазиев бұл көрсеткіштің өте аз екенін айтты. Аталған мәселе бойынша жергілікті басшылыққа тапсырмалар берілді.
