«Дәрігерлер мемлекетке жұмыс жасағаннан гөрі, жеке меншік медицина орталықтарында қызмет еткенді құп көреді. Еңбекақысы көбірек, қолайлы ортада кім жұмыс жасағысы келмейді дейсіз? Әсіресе, біздің саламызда мемлекеттік пен меншіктің аражігі ажырап тұрған соң, дәрігерлер жетіспеушілігі мәселесі өзекті болып тұр» — деді, ол сөзінде.
Десе де, ақ халаттылар арасындағы ынтымақ та, бірлік те жоғалмаған. Бұған дәлел, жыл сайын өткізілетін халықаралық ғылыми конференциялар. Көрген-білгенді, ойға түйгенді айтып, сала мәселесін талқылайтын жиындардың халыққа да, маманға да берері мол.
«Осы жылғы конференцияда Алматы облыстық балалар ауруханасының директоры Арман Серікбайұлы маған биыл «Балалар жылы» ғой, балапандарға тегін көмек көрсетсек» деп қолқа салды. Бірден ұсынысын қабылдап, шілде айында Талдықорғанға келіп, 3 балаға ота жасадым. Оның бірі — өкпе және бауыр эхиноккозы болса, екіншісі – колостома, үшіншісі – тоқ ішек анастомозы. Сонымен қатар, жас мамандарға шеберлік сағатын ұйымдастырып, тәжірибеммен бөлістім», — деді дәрігер.
Елімізде 2023 жылға дейін медицина қызметкерлерінің еңбекақысы екі есеге артады. 2022 жылы дәрігерлердің жалақысын көтеруге бюджеттен 361 миллиард теңге бөлінген.
